الاسلام | ورقتـــك هتتسحــب إمتــى ؟!
من القسم الاسلامي العام

الاسلامورقتـــــك هتتسحــــب إمتـــــى ؟! بمناسبة الإمتحانات تخيل إنك رايح تمتحن دلوقت دخلت اللجنة وأخدت ورقة الأسئلة بس المراقب قالك : خد بالك الوقت غير محدد فأنت قولت : يعنى ايه ؟ الوقت مفتـــوح ؟! قالك : لا يا حلو الوقت محدود بس أنت مش من حقك تعرف آخره امتى متعرفش ورقتـــك هتتسحـــب إمتـــى ؟ ممكن نسحبها فأى وقت بس لما نيجى نسحبها مستحيل تتأخر لحظة واحدة . طب إزاى ؟!!!!!!!! هوا كده . المهم سعادتك بدأت تجاوب وبتبص حواليك فى اللجنة فلقيت ناس بتموت نفسها علشان تحل ومش مضيعة ثانية واحدة من الوقت وناس تانية بتلعب وتتنطط وغفلانة عن الوقت خالص فأنت قولت فى نفسك ما هو الحكاية سهلة ، أقوم ألعب شوية وبعدين أرجع أكمل وبعدين كده كده لسه بدرى مش معقولة الورقة بتاعتى أنا بالذات اللى هتتسحب دلوقتى ياترى لو ده حصل فعلا هتقول على نفسك ايه ؟! ؟! ؟! ؟! طب ما هو ده حاصل بالفعل !! كلنا فى الدنيا دلوقت فى إمتحان مفتوح ومفيش حد عارف ورقته هتتسحب إمتى مفيش إنسان يقدر يقطع بميعاد لحظة خروج روحه فالعاقل هوا اللى يستغل وقته صح ويخلى حياته كلها طاعة سواء عبادات أو معاملات أو مباحات .. واللى مبيفكرش اللى يغفل عن الإمتحان المصيرى ويضيع مستقبله الدائم ( الجنة ) علشان شهوات دنيوية فانية فياترى أنت عامل حساب سحب ورقتك ؟!!=====================ادعوا اخواتى فى الله ان ينضموا عبر حسابهم على الفيس بوك الى تتطبيق الدعوى صوت الاسلام : يقوم بنشر أحاديث صحيحة وآيات قرآنية والسيرة النبوية وقصص الصحابة والتابعين ,فاجعل صفحتك تتعطر بايات الله وسنة الحبيب ونسأل الله أن يتقبل منا ومنكم



كاتب الموضوع :
ريحانةالدعاء